09. - 11. september 2011

Salsmessa på Dyrsku’n er ei av dei beste salsmessene i landet. Her får 650 utstillarar møte eit publikum på nærare 80 000. Her er rom for det meste, frå dei som driv stort i maskiner og utstyr til dei som driv med handverk og lokalprodukt.  Dette vide spennet skaper ein fargerik og mangfaldig marknad som har stor appell til folk flest. Pengane sit derfor ekstra laust hos alle som strøymer til denne store folkefesten i Seljord, eit arrangement det ikkje finst make til her i landet.

Dyrskuplassen dekker eit areal på 120 mål som er regulert og planlagt for storarrangement som Dyrsku’n. I tillegg utvida vi området med om lag 25 mål i 2010. Dette området er førebels ikkje fullt opparbeida med all ønskeleg infrastruktur, og utstillarar på dette området får ein rabatt på 10% på standleiga. Utstillarane kan velje mellom uteplass eller plass i ein av hallane. Både ute og inne er alt lagt til rette for så vel utstillarar som publikum.

UTESTAND

Underlaget er gras eller grus på utestandane. Mellom dei går det i all hovudsak gode asfalt- og grusvegar.

• Ordinære utestandar er 4-6 meter djupe. Det er lengda på fronten som tel når ein reknar ut prisen.
• Hjørnestand kan bestillast på lik line med andre standar. Tilleggsavgift til ordinær standleige er kr. 2000,- Dette gjeld alle typar utestandar.
• Landbruks- og maskinutstillarar kan ikkje bestille mindre enn 50 m².  Det vert rekna flat pris frå første m². Djubda på desse standane varierar frå ca 7-12m
• Kniv- og klokketorget utanfor hall A er eit område reservert for kniv- og klokkehandlarar.  Dei som berre sel knivar og klokker i mindre omfang, får friplass her med plass for eit lite bord og ein stol. Her er det ikkje førehandstinging, men førstemann til mølla. Vi ber likevel om at dei aktuelle utstillarane registrerer seg på utstillarkontoret ved ankomst.

BRANSJEINNDELING

Arrangøren prøver så langt det er råd å samle utstillarane bransjevis, og ein vil stort sett fylgje ein slik fordeling av området:

• B, C og øvste del av A: landbruk/maskinutstillarar
• A200-A400: bil, verktøy og fritid
• A10/Matkvartalet: kortreist mat, grønsaker og frukt
• D100-D200: byggevarer
• D500-D600: ein del brukt-  og antikvitetshandel
• G: heim, sport og fritid
• H: primært handverk
• E100-200: verktøy, maskinar m.m.
• D-E: delar av dette området er nær tivoli og har eit eksotisk preg med ymse tilbod
• I: maskinar, verktøy, bil og frilufts-/aktivitetsområde m.m

INNESTAND

I hallane er det panel veggar og skiljeveggar av enkelt rammeverk (2,5 m høge) og utstillarane må kle desse sjølve. Det er ikkje tillate å setje opp faste installasjonar eller spikre i faste veggar. Stoff bør vera av flammehemmande type.

• Ridehallen er på nesten 1200 m²,  standane er 2-4 meter djupe, med valfri breidde. Utstillar tingar ynskt kvadratmeter på søknadsskjemaet.
• Hall A (husflid, handverk og brukskunsthall) er 400 m², og utstillarar innan husflid og brukskunst har førsteprioritet. Hallen er inndelt i modular – langs vegg, 3,2 brei – 2,6 m djup, standane i midten er 3 m breie og 2 m djupe.
• Lokal- og økologisk mat. Det er reservert plass for produsentar av økologisk- og lokalmat  i eit eige mattelt.  (Modular a ca 3 x 3 m.)  Same påmeldingsskjema som for dei andre utstillarane. 

SAL AV NÆRINGSMIDDEL – sjå reglane

STRAUM

Straumspenninga på Dyrskuplassen er 1-fasa 230 og 3-fasa 400V(har 5 leiars støpsel). Det er ikkje tilgang til 3-fasa på alle område, behov må derfor spesifiserast på søknadsskjema. I standleiga er inntil 1,5 kw inkludert i prisen. Treng ein meir straum, må dette tingast og spesifiserast ved påmelding. Ein rår utstillarane til å ta med rikeleg med skøyteleidning. Elektrikar på plassen er Dyrud Elektro, telefon 35 05 80 80.

PARKERING - KØYRING

Utstillarane kan parkere på eigen standplass dersom det er rom for det (men ikkje så bilen er synleg for publikum), eller på utstillarparkeringa på utsida av utstillingsområdet. Tyngre køyretøy blir vist til eigen parkeringsplass. Med køyrekort kan ein køyre inn og ut av plassen under arrangementet før kl 09.00 og etter kl 18.00. Sundag kveld opnar ikkje portane for innkøyring til plassen før ca. kl. 18.30. Eigen utkøyringsplan blir levert utstillarane ved oppmøte.

VAKTHALD

Det er nattevakt på utstillingsområdet frå måndag 5. september til måndag 12. september. Arrangøren tek ikkje ansvar for mogelege tap. Utstillar må sjølv sørgje for forsikring.

KUNDEKORT

Utstillar kan invitere kundar til messa ved å tinge kundekort som blir sendt til utstillaren i god tid før utstillinga. Unytta kort må returnerast snarast og vil bli kreditera etter arrangementet. Korta gjeld som inngang for ein dag.

ID-BAND

Alle utstillarar må ha ID-band for å kome inn på utstillingsområdet. Det er 2 ID-band inkludert i standleiga. Treng ein fleire id-band, kan det tingast på søknadsskjemaet eller ein kan få kjøpt dette på utstillarkontoret under marknaden.

SØKNADSKJEMA OG REGLAR