Dyrskun Mat og Kompetanse jobbar aktivt med næringsutviklingsarbeid og kompetansehevande tiltak, og vi har avtale med SIVA om drift av inkubator for mat og naturbasera næring. Inkubatorverksemda er ei rådgjevingsteneste for folk som vil starte og utvikle verksemd innan mat og naturbasert næring. Her får folk hjelp til kvalitetsikring av idear og ambisjonar, spesialisert rådgjeving, hjelp til søknader og finansiering, og støtte til forretningsutvikling. Dette tilbodet gjeld for bedrifter som arbeider med produksjon og sal av mat- og drikke eller naturprodukt, eller bedrifter som tilbyr ulike tenestar knytta til mat- og naturbaserte næringar / ressursar. Dyrskun Mat og Kompetanse inkluderer og kursavdelinga. Vi arrangerar ei rekkje kurs og kompetansefremjande tiltak retta mot næringsmarknaden, samt privatpersonar som ynskjer å starte si eige verksemd. Kurs/kompetansetilboda omfattar mellom anna; økonomi, HMS, branntrygging, spekemat, pølseproduksjon, nedskjering av vilt, stav og laft, maskinførarbevis m.m. I tillegg til lokalområdet, har me i dag heile Sør-Noreg som nedslagsfelt. Som kompetansetilbydar innan ein lang rekke fagfelt er vi avhengige av å knyte til oss ekstern kompetanse og vi har i dag med oss fleire tunge kompetansenav, blant anna Nofima AS, Mattilsynet og Akademiet i Rauland samt ein rekke andre. Vi arrangerar ca. 12 kurs i året og er stadig i utvikling.
