Jolemarknad 2013
30. november-1. desember
Jolemarknad med særpreg
Opplev Telemarks største jolemarknad på Dyrskuplassen i Seljord
-
Husflid og handverk
-
Tradisjonsmat
-
Kultur
-
Dyr
Jolemarknaden på Dyrskuplassen i Seljord er ei særprega stemningsfull førjolsoppleving for heile familien, med handel av småskalaprodukt innan mat- og handverkstradisjonar, aktivitetar og demonstrasjonar.
Vi har gleda av å invitere utstillarar og publikum til den 10. jolemarknaden på Dyrskuplassen. Jolemarknaden har hatt ei positiv utvikling og har blitt kjent både i og utanfor Telemarks grenser. Dei siste åra har vi samla 100 utstillarar og 3000 gjester.
TRADISJONSMAT
I Telemark veit ein å lage velsmakande tradisjonsmat. På marknaden kan du sjå bakstekjerringane i full sving, få nyttige tips og idear til å sikre seg fleire godbitar av ekte, tradisjonell Telemarks-kost til jolebordet. God jolemat og drikke serverast både i Husdyrhallen og Storstogo. Laurdag kveld inviterar Storstogo servering til Jolegilde.
HUSFLID OG HANDVERK
Handverksprodusentar samlast på Jolemarknaden og byr fram spennande produkt til alle som ynskjer å finne spesielle jolegåver. Her kan ein sjå dyktige handverkarar utøve ulike handverk og la seg imponere og inspirere. I joleverkstadene kan både små og store lage jolepynt og jolegåver.
KULTUR OG DYR
Jolemusikken tonar både ute og inne på Dyrskuplassen, her blir det fakkeltog til nissemor som les soger og joleforteljingar framfor peisen i Gongestogo. I Dyrskufjoset finn ein både hestar og esel, så her blir det høve til å ri og køyre hest.
SALSUTSTILLARAR
Vi inviterer utstillarar som har høvelege produkt til jol og jolehandel, til dømes mat, handverk, blomar og grønt, bøkar, velværeprodukt osb. Vi inviterar i år særskilt lokalmatprodusentar som driv med bakevarer til å stille ut sine produkt. Utstillarar i denne kategorien vil i år få stå gratis i ein av våre nye bodar ute på Fjoset. Vi har både ute- og innestandar. Til utestand nyttar vi båsane i Dyrskufjoset. Dei fungerer godt som utstillingsplass med golv, tak og tre vegger. Til innestandar nyttar vi Husdyrhallen som ligg vegg i vegg med Dyrskufjoset. I 1. høda blir standane skilde med tette deleveggar. I 2. høgda er det ingen fysiske skilje mellom standane.
Søknadsfrist 8. november 2013
Utestand:
Bås i Fjoset (1 stor eller 2 små) kr 200 (inkl 2 stk adgangsband)Båsane er 2,4 m djupe 1,2 - 2,2 m breie.
Ny trebod kr 400 (inkl 2 stk adgangsband)
Vanleg utestand kr 100 pr frontmeter (inkl 2 stk adgangsband)
Alle prisar eks. mva.
Innestand:
Husdyrhallen kr. 250,- pr m2 ekskl. mva. (inkl 2 stk adgangsband). Standane er om lag 2-3 m djupe.
Opningstid : laurdag kl 12.00 - 17.00, sundag kl 11.00 – 16.00
Inngang:
Born 0 – 15 år gratis
Vaksne kr. 100,-
